I dat numerusas apps per far simpel e spert in scan. La gronda part da las apps èn gratuitas, tar ina u l'autra sto ins dentant far in login. Quellas funcziunan uschia: En l'app fa ins ina fotografia dal document ch'ins vul far scannen. L'app enconuscha automaticamain, nua ch'ils urs dal palpiri èn. Sche quai na constat betg, po ins adattar quai manualmain.
L'app curregia tut las sumbrivas e malgulivezzas e fa or da la fotografia in document bain legibel. Quel po ins lura arcunar en differents formats, trametter per mail ni era chargiar sin in servetsch da cloud.
Las apps las pli enconuschentas èn la «Cam Scan», «Adobe Scan» ni «Scan für mich».
