Intgins daguts da citrona u in cup cun aua e maizena fan liar il fondue. Ed ina presa natron fa pli liger la spaisa da chaschiel tradiziunala svizra.
E co fissi cun far il fondue ina giada cun gervosa, vin da maila u vin cotschen? Era ingredienzas sco bulieus, sosa da tomata u ervas procuran per in nov gust dal fondue.
I vegn bavì savens in vinars per la digestiun, ma meglier fissi da mangiar in toc ananas. Questa cuntegn encim che promovan la digestiun.
E per evitar nauschas savurs pon ins stgaudar fava da café en ina padella. Il medem funcziuna era cun chanella u autras spezarias. Era in cup cun natron ni pulvra da levon neutraliseschan il fried.
