Ins survegn in mail da la banca – ni almain in che guarda ora sco sch'el fiss da la banca. Quel intimescha d'adattar infurmaziuns sin l'account, per exempel per far vegnir pli segir el. Sch'ins fa quai, vegn ins sin ina pagina d'internet falsifitgada. Las infurmaziuns ch'ins dat en là vegnan dadas enavant.
Tenor ina retschertga dal Tagesanzeiger èn clients da la banca UBS savens il public en mira. Bunamain tschintg pertschient da tut las paginas da phishing imiteschan offertas ni servetschs da l'UBS.
