Avais cumenzà l'onn nov cun far buns propiests u datti forsa autras midadas? Per il chantun Grischun è ina gronda midada la surdada da la Via dal Gelgia a la Confederaziun. Dapi Bumaun sto ella finanziar il mantegniment da la nova via naziunala N29 da Casti enfin Silvaplauna. Unicamain la sanaziun da las «Bovas da Rona» sto il chantun anc pajar.
Avant in onn avevan nus rapportà, che l'Uffizi chantunal da construcziun auta aveva scrit sin la tavla da las lavurs da construcziun «Ronastutz» e che grazia a l'engaschament da Romano Plaz, è quel vegnì substituì cun il num rumantsch. Nus examinain il num Gelgia e sperain ch'ils nums rumantschs vegnian respectads vinavant.