Strucca da fain: terapia da las zonas da reflex dal pe

Varga 1 milliun persunas en Svizra pateschan sut la strucca da fain. Metodas da cumbatter quella datti pliras. La terapeuta Rosina Giuliani fa quai tranter auter cun la terapia da las zonas da reflex dal pe. Gia en las emprimas emnas pon ins uschia sminuir ils sintoms. Idealmain cumenzins dentant gia il schaner, cura che per exempel l'ogna cumenza a flurir.
Rosina Giuliani cumbinescha il tractament cun la stimulaziun da differents puncts sin il maun. Quai pon ils clients era far sez a chasa. Ed era tras il nutriment pon ins cumbatter l'allergia. Cun magliar sur l'entir onn bler mel d'avieuls sendisa il corp vid ils pollens ed il mel po uschia gidar sco med cunter la strucca da fain.