Sedrun: Tujetsch fa suenter tschintg onns puspè teater

Suenter tschintg onns pausa sa preschenta la Cumpignia da teater Rueras puspè cun in teater. Sco quai ch'il reschissur Hubert Venzin di, duai quella preschentaziun esser in engraziament al public ed era als acturs. Probabel è quai l'ultima producziun da la Cumpignia da teater Rueras. Tenor Hubert Venzin sajan ils commembers da la gruppa n'era betg pli ils pli giuvens. Preschentà vegn la cumedia «La Maria vesa dubel» da Cornelia Amstutz ed Esther Baumann translatà da Hubert Venzin.