L'app cuntegna total radund 6'000 differentas turas. Radund 900 da quellas èn accessiblas gratuitamain. Sortidas èn las rutas tenor lur grevezz, uschia che mintgin chatta insatge per ses gust. Las rutas vegnan mussadas sin ina carta da Swisstopo interactiva. Quella pon ins era telechargiar gia avant la tura, en cas ch'ins avess a vegnir en in lieu senza colliaziun a la rait.
Per persunas ch'èn commembers dal Club alpin, è l'app inclusiva. Ils auters pon u nizzegiar las rutas e turas gratuitas, u far in abunament dal mais u da l'onn per vegnir tar la purschida cumplaina.
