Alice Merton, la giuvna senza ragischs, scrivi gugent chanzuns tristas en vestgids leghers. Uschia è quai era stà tar ses hit «No Roots» ch'è inspirà da las numerusas giadas ch'ella ha bardiglià. Dentant era tar sia nova single «Lash Out».
Qua raquinta ella quant grev ch'igl è tranteren da sa depurtar uschia sco i vegn spetgà dad ins. La conclusiun da la chanzun è ch'ins duai ir sia via, e d'era ina giada laschar ora tut ils sentiments e las energias.
