Il cumbat per la pussanza a Simbabwe è escalà uschè fitg ch'il militar ha surpiglià la controlla – sch'igl è in putsch cunter Mugabe u betg n'è betg propi cler.
Dapi ils onns 1980 è Robert Mugabe a la testa dal pajas. Al cumenzament sco primminister e suenter sco president. A l'entschatta da sia carriera politica ha el gì grond success en il cumbat cunter la colonialisaziun sco er per in viver communabel dad alvs e stgirs. Plinavant è l'economia creschida, er grazia a refurmas da l'agricultura en favur dals purs pitschens.
Per ses success ha Robert Mugabe restchavì diversas renconuschientschas ed onuraziuns. Tranter auter er da la Queen.
Dal president al dictatur
L'onn 200 ha il pievel vuschà cunter ina proposta per ina nova constituziun. Cunzunt dapi lura ma er gia intgins onns avant ha la regenza da Mugabe persequità sias finamiras cun adina dapli violenza. Crisas economicas, ma er da fomaz, corrupziun e repressiun han prendì surmaun.
En quest connex ha l'um da 93 onns er pers diversas da sias onuraziuns e renconuschientschas per la lavur prestada pli baud. En blers pajas, per exemplel en l'entira Uniun europeica na dastga el gnanc pli entrar.
