In rapport da l'Uffizi da migraziun e da dretg civil e da la Baselgia evangelica refurmada dal Grischun da l'onn 2017 ha mussà, che la diversitad da religiuns en il chantun Grischun è zunt vasta. Sper las baselgias tradiziunalas, la Baselgia roman-catolica e la Baselgia evangelica refurmada, datti era numerusas autras cuminanzas da minoritads religiusas. Per exempel ina baselgia eritrean-ortodoxa, ina asiatic-islamica, ina vietnamais-budistica ubain era diversas baselgias independentas, sco la «focusC».
Oravant tut per migrants e migrantas èn lur cuminanzas religiusas in lieu fitg impurtant – quasi in refugi. Là na pon ils umans che derivan da pajais esters betg mo pratitgar e viver lur atgna religiun, els pon era s'inscuntrar, s'infurmar e chattar agid.
«Vita e cretta» dat in sguard sin la lavur d'integraziun da las cuminanzas da migraziun religiusas dal Grischun, guarda tge ch'ellas porschan a lur commembers e commembras e cun tge sfidas ch'ellas èn confruntadas.