Il 1994 è il temp da la musica da grunge, surtut en ils Stadis Unids. En Europa sa derasan ils tuns da las bands dal rock alternativ. Ils «Cranberries», ina band irlandaisa, da Limerick èn ina da las impurtantas. Lur disc «No Need to argue» è in dals impurtants dal decenni e sa venda sur 16 milliuns giadas. La chanzun la pli enconuschenta da quel disc è «Zombie», in toc da Dolores ORiordan. Ella è la persuna centrala dals «Cranberries», la chantadura e la cumponista, ina persuna sensibla che ha da cumbatter cun dramas persunals ed er cun las aspectativas che il success maina cun sai. «Zombie» è ina chanzun stgira davart il conflict da lIrlanda dal nord, in conflict che ha durà decennis e che ha provocà la mort da millis da persunas. Er Tim Parry e Jonathan Ball èn stà victimas, cur che la IRA ha fatg il 1993 ina attatga da bumbas a Warrington in Engalterra. E Dolores ORiordan interpretescha quel toc en ina moda che fa pel giaglina e che va tras pel ed ossa.
