In auditur vuless savair la derivanza dal num Gianduschlas ad Ardez ed el m'ha explitgà exactamain ch'i sa tracta dad ina grava tranter la Sprella ed il Fasten da Töna – era dus toponims fitg interessants. Pli exactamain sa numna la grava «Gonda da las gianduschlas» e quai è uss in pleonassem, quai vul dir, duas giadas il medem.
Gianduschlas deriva sez da Gonda u Gianda ch'è in pled preroman derasà en tut la Rumantschia ed era emprestà dal tudestg, sche nus pensain al verb «verganden». Gianduschlas èn gondas pitschnas, na sco quella a Plür avant 400 onns ch'aveva sepulì passa 1'200 persunas en in pèr minutas.
