«Nights In White Satin» - ina ballada da chandailas nundestruibla, perpetuada l'onn 1967 dals Moody Blues (e perfin transponida blers onns pli tard en rumantsch!). Ma be paucs san che quella chanzun fa part dad in giagliard album conceptual da la gruppa englaisa.
«Days Of Future Passed» è il titel da questa ovra che cumbinava per l'emprima giada il popsong cun texturas da musica classica, e che vala oz sco battasendas per il rock uschenumnà progressiv.