In capitel da l'istorgia aviatica taliana va a fin. L'Alitalia sa tschenta sin l'aeroport da Roma-Fiumicino. Cun quest sgol va l'airline ord funcziun. Il venderdi cumenza la nova airline statala Italia Trasporto Aereo. Quella duai surpigliar per Alitalia. Dals bun 10'000 collavuraturs e collavuraturas po la nova airline dentant be surpigliar circa 2'800. Perquai han blers protestà las davosas emnas e tscherts sgols èn perfin vegnids stritgads.
Alitalia fa gia dapi il 2002 nagin gudogn pli. Il 2017 ha ella annunzià insolvenza ed il stadi talian ha surpiglà. Cun sustegns finanzials da bun 900 milliuns Euros ed ulteriurs milliuns cun la pandemia da corona.
