«Vila dos Atletas» - il vitg olimpic a Rio de Janeiro è vegnì construì sut massivas mesiras da spargn. La delegaziun olimpica da l'Australia ha refusà da sa chasar en il bajetg. Ins haja constatà plirs defects tar las installaziuns sanitaras ed electricas. Passa 500 lavurants èn ussa di e notg vid il reparar ils defects. Reusseschi da far tut las lavurs da reparatura enfin ils 5 d'avust?
Il vitg olimpic a Rio de Janeiro
Dumengia è vegnì avert il vitg olimpic en il vest da Rio de Janeiro. Tranter ils 5 e 21 d'avust duajan enfin 18'000 atletas ed atlets viver en ils passa 3600 appartaments. La construcziun dals 31 edifizis vegn crititgada a moda massiva pervi da numerus defects da construcziun.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
