Dapi dudesch onns n'èn ils urs da la citad da Berna betg pli en il stretg foss. Els èn en in grond e nov parc dals urs a la riva da lAara. Avant dus onns ha la citad annunzià, ch'els vulessan puspè allevar ursins. Pervi da quai avess ins stuì engrondir il nov parc dals urs.
Ma quest'emna han ils responsabels tratg il frain. Quest project fiss cun bunamain 40 milliuns francs bler memia char. Uschè ston ins era en avegnir desister a Berna sin ina nova generaziun dal simbol da la citad.
