Huldrych

Tut che tschantscha da Zwingli en occasiun dal giubileum da 500 onns, cura ch'el aveva cumenzà a pregiar en la baselgia dal Grossmünster a Turitg.

Il film da Stefan Haupt che vegn mussà uss en noss kinos para da plaschair ad in grond public. Nus ans dumandain, danunder che ses prenum Huldrych deriva e pertge che la furma rumantscha Duri vegn intunada en differentas manieras.

Era la schlattaina Durisch en Surselva deriva dal tudestg Odalrich ch'era stà latinisà Udalricus e che è era la ragisch per Ueli. Interessant era ch'il refurmatur grischun da Susch sa numnava sez Durich Chiampel e fin oz è Duri in num fitg derasà, cunzunt en l'Engiadina.