Tut è numnadamain sa midà en il Nepal dapi che Corina Blättler-Monsch è turnada cun sia famiglia puspè en Svizra ils onns 1960. Quella giada aveva il temp dals hippies cumenzà ed il martgà da drogas haja influenzà fermamain la populaziun indigena. La dunna da 70 onns sa regorda perquai pli gugent vid quel Nepal ch'ella ha en regurdientscha.
Sper sia passiun per animals ch'ella ha pudì viver en il Nepal, è Corina Blättler colliada fermamain cun l'istorgia da famiglia. Ses tat, Riet Campell aveva fundà il Museum Engiadinais, il lieu nua ch'ella ha lavurà ed è s'engaschada ils ultims 10 onns cun corp ed olma.
