Emeli Sandé: «Clown»

Ils davos onns avant che sia carriera da musica ha entschet, ha Emeli Sandé stuì vegnir a frida cun bleras respostas negativas. Nagin na deva ad ella ina schanza sin ina carriera sco musicista. Ma curt avant la fin da ses studi da medischina ha ella pudì suttascriver ses emprim contract da musica. Finalmain han uschia ils strapazs gì ina fin. Emeli Sandé ha dumagnà ses emprim pass en l'industria da musica. La chantadura da la Scozia n'è dentant betg mo ina talentada chantadura, mabain era ina grondiusa autura. Ella ha tranter auter scrit chanzuns per Cher, Lloyd e Leona Lewis.