I dat paucs musicists che pon far in album da 4 discs che cuntegnan ses gronds success e gronds hits. Vasco Rossi, chantautur da la regiun da Modena, po far quai.
Dapi il 1977 ha el fatg 17 albums da studio, ha vendì sur 30 milliuns portatuns, ha millis e millis da fans ed è in dals pli gronds da la musica taliana. Uss ha el 64, e quests dis cumpara «Vascononstop» cun 69 da sias chanzuns e semperverds sco: «Vita spericolata», «Cosa succede in città», «Vado al massimo» e «Brava Giulia». Quella chanzun ha in'impurtanza tut speziala en la carriera da Vasco Rossi, pertge ella marchescha il return suenter ina fasa fitg critica: drogas, possess d'armas, praschun. El era per terra! Vasco ha dentant cumbattì e dal 1987 èsi reussì ad el il grond return cun «Cè chi dice no». Il disc è stà 12 emnas nr. 1 en Italia e «Brava Giulia» in da ses pli gronds hits.
