Il svedais Ingemar Stenmark festivescha oz ses 60avel anniversari. Ed el è mai stà in um dals gronds pleds, el valeva adina sco pulit schenà. En intervistas era el adina fitg reservà. El raquintava pli gugent fatgs. Emoziuns udevins betg savens da Stenmark. Mo, sia clamada era gea dad ir cun skis. E quai ha el fatg cun bler success.
- 2 giadas campiun olimpic
- 5 giadas campiun mundial
- 3 giadas gudagnà il classament general dal cup mundial
E natiralmain tegna el era numerus records. 86 cursas ha el gudagnà en il cup mundial. Ed impressiunant: El ha gudagnà il slalom gigant ina giada 14 cursas en seria. Cifras enormas: uschia vegn el er numnà «Lebende Legende aus Tärnaby».
