Nicasius

Ma tge num avess quai dad esser? Effectivamain na figurescha el betg tranter ils nums rumantschs. Oz è ses onomastic e nus ans regurdain da l'uvestg da Reims en Frantscha, perquai ch'el è mort en il tschintgavel tschientaner sco martir. Suenter esser vegnì decapità, ha el prendì ses chau ed è chaminà vinavant cun quel sut il bratsch. El fa damai part dals cefalofors, quels che portan lur chaus suenter la mort. En il Grischun avain nus plirs da quels. Sogn Placi è probabel il pli enconuschent, ma era Sogn Vetger e San Gaudenzio han laschà lur fastizs.

Redacziun: Chasper Pult