Katrina and the Waves: «Walking on sunshine»

Il desideri suenter in sentiment chaud e bel durant ina bronchitis entamez l'enviern ha purtà al ghitarrist da Katrina and the Waves, Kimberley Rew, l'inspiraziun tar lur megahit da stad. Era sche la band chattava quella chanzun memia soft per els, han els fatg in'emprima registraziun. Quella ha purtà ad els in contract tar in label pitschen e lura tar in pli grond. Entras il label grond èsi lura vegni fatg in nov arranschament, anc pli lom e cun instruments da flad. Quai che ha lura muntà il success per la chanzun.