Arcade Fire: «Everything now»

Everything now da la gruppa canadaisa Arcade Fire tuna a l'entschatta in pau sco ina chanzun d'ABBA. Dentant sch'ins taidla pli ditg u mira il video tar la chanzun constatesch'ins spert che quai è in'auter stil da musica. Il video cuntegn uffants ch'observan rachetas, la gruppa ch'è sa vestgida en overals grischs ed adina puspè ves'ins la frasa «Everything now» – tut, ussa. Ed era la reclama ordavant è stada speziala. Varga in'emna han ins sin lur pagina uffiziala vesi sulet ina pitschna part dal Death Valley en ils Stadis Unids da l'America. E per derasar lur reclama sin social media, hajan els schizunt duvrà servers russ.