Tgutg è be chel nha bunamain betg pli temp da scriver sez en sia funcziun da manar. Il scriver sa tira sco in fil cotschen tras sia biografia. Sco magister ha el mussà a ses scolarins a scriver, «jau sarà stat ün magister ün pa caoti». Svelt haja el badà che scriver sez al interessa dapli, e baud ha el chattà la via en il schurnalissem local. «Mes interess per la lingua ed i tempi passati mhan lura manads a luniversitad», là ha el frequentà ses studi da rumantsch ed istorgia ed ha studegià, co chi vegniva scrit davart ils commembers da la Lia Naira. Tar RTR ha el scrit onns a la lunga per las ureglias e per ils egls, damai per il radio e per la televisiun – ed oz va prest mintga artitgel scrit per rumantsch sur ses pult. En discurs cun Anna Serarda Campell raquinta el da la sfida da chattar persunal che sa scriver rumantsch, da sia uffanza a Müstair sper il dazi e daco chel ha telefonà cun il trenader da ballape Lucien Favre.
David Truttmann: «La gasetta è sco ina butia dal vitg – ella ristga da svanir»
«Scriver è insatge che jau fatsch brutal gugent», di David Truttmann il schefredactur da la Fundaziun Medias Rumantschs, curt FMR.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter