In dals gronds cas da doping è stà quel dal ciclist american Lance Armstrong. Durant ils onns novanta e l'entschatta 2000 ha el gudagnà en tut set giadas la Tour de France – il 2012 è l'American lura vegnì accusà pervia da doping. Sco IL cas da doping da l'istorgia vala quel dal sprinter candadais Ben Johnson. Il 1988 era el currì sur 100 meters record mundial – be dus dis pli tard era dentant cler ch'il sprinter era dopà.
Er en il passlung datti adina puspè cas da doping. Uschia èn vegnids traplads durant ils campiunadis mundials da ski nordic a Lahti tranter auter atlets Finlandais. Suener han ils Austriacs adina puspè procurà per lingias grassas negativas. Uschia il 2006 a Turin ed era il 2014 avant ils gieus olimpics a Sotchi.