Siglir tar il cuntegn

Header

audio
RTR gida – per che cumpliments na vegnian betg a la curta.
RTR
laschar ir. Durada: 3 minutas 7 Secundas.
cuntegn

Il cumpliment

Cumpliments èn bels pleds cun grond effect. Adina puspè entaup'ins glieud ch'avessan merità tals pleds: la vendidra dal Volg che serva adina cun in surrir, l'amia che gida en il perchasa, il vischin che dat da magliar al giat u simplamain insatgi che merita daditg in cumpliment che fa bain al cor.

Download

Il cumpliment dad oz vegn da Madlaina Stupan da Zuoz e va a Corina ed Ernst Heeb da Domat. Dunna Madlaina engrazia a Corina ed Ernst ch'els han gidà ad ella cun la laina, uschia ch'ella po metter fieu en pigna mintga di.

Ma era sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.

Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.

Dapli da «Tips, trics e tacs»

Scrollar a sanestra Scrollar a dretga