L'univers para da fascinar fermamain. In'autra firma americana vul construir in hotel en l'orbit. Vinavant vul la NASA porscher vacanzas sin la staziun spaziala internaziunala ISS. Là duessan ils giasts passentar fin 30 dis.
Ils plans per il turissem dal cosmos vegnan dentant er crititgads. Dad ina vart ils custs: In viadi en l'univers custa da plirs milli fin a plirs milliuns dollars. Critichers èn da l'avis che quels raps fissan en auter lieus investids meglier. Vinavant èn sgols cun rachetas en l'univers tut auter ch'ecologic. Surtut las particlas da folia pudessan tenor in studi american avair ina grond'influenza sin il clima sin terra.