7 fats sur da la lingua da segns
- Oz è il di internaziunal da la lingua da segns. En tut la svizra sun radund 0.1 % surdmits. La lingua da segns è dentond bler dapli che mo in per segns.
- I dat pliras linguas da segns. La lingua da segns da è betg internaziunala. Mintga regiun da lingua ha ina atgna lingua da segns e i dat sco en la lingua discurrida era dialects. Mintga pajais en Europa ha almain ina lingua da segns.
- Per la lingua da segns vuli tut il corp. La lingua exista or da plirs elements: gest, mimica, posiziun dal cheu e dal corp sura, posiziun dal man, da che vart chins tegna il man, ils segns chins fa culs mauns e sin che autezza chins tegna il maun.
- La lingua da segns ha ina atgna grammatica. I è precis defini nua che il subject, il object ed il verb saudan. I dat claras reglas per la lingua sco en la lingua discurrida.
- I dat era in stgazi da pleds per pleds pli cumplitgads. La lingua da segns è ina lingua cumpletta. I dat per quasi tut in segn e sche na lura vegn bustabà il pled chins vul mussar.
- Mintgin che duvrà la lingua da segns ha in agen num en la lingua. Quai è pel pli in num che descriva la persuna. Per exempel ina singularitad, in tic ni ina caracteristica.
- Ils surdmits badan la musica. Els na rivan betg dad udir la musica sco insatgi che auda. Però els badan las vibraziuns da la musica cun il corp. Savens vegn il text da las chanzuns translatà era en la lingua da segns.
