Il mund dal gimnasi nè betg stà quai che Sascha Weidner vuleva. L'Engiadinais ch'è creschì si a Zuoz, ha perquai finì anticipadamain ses temp a la scola media. Quai per far in giarsunadi sco polimecanist a Scuol. La via ha finalmain tuttina manà l'um da 37 onns a la Scola auta da Turitg.
Dapi 14 onns lavura Sascha Weidner a l'Universitad da Turitg sco manader da la partiziun tecnica a l'institut da biochemia. Sia famiglia cun dus uffants viva dentant a S-chanf, uschia che'l pendulescha mintgamai tranter l'Engiadina e Turitg.
Tranter auter è er la producziun additiva in champ che'l ha gidà a sviluppar en l'ufficina da l'Universitad da Turitg. Ils products èn fitg multifars.
En il Profil raquinta l'Engiadinais dapli da sias ambiziuns, siemis e sfidas ed er dal midament radical che spetga Sascha Weidner questa primavaira.
