046 771793 336 L'uniun turistica svedaisa ha endrizzà il numer da telefon nua ch'ins po telefonar casualmain cun in Svedais u ina Svedaisa e baterlar sur da quai ch'ins ha gist gust, da l'Ikea fin tar ils elans u urs da glatsch.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Svedais e Svedaisas pon sa registrar per l'acziun sur ina applicaziun da telefonin. Dapi il cumenzament d'avrigl, cura ch'il numer è vegnì endrizzà, èn passa 20'000 Svedais e Svedaisas sa registrads e passa 100'000 persunas or da 175 differentas terras han gia telefonà.
Il numer è vegnì endrizzà a chaschun dal giubileum da 250 onns lescha da libertad da medias en Svezia. Fin la festa naziunala, ils 6 da zercladur, èsi segir pussaivel da telefonar. Suenter è il futur dal numer anc intschert.
