Emirats datti sulettamain en il Proxim Orient, en la regiun araba. Oz existan anc l'Emirat da Kuwait, l'Emirat da Katar sco era ils Emirats Arabs Unids. Quels consistan, sco il num di, ord plirs emirats – en tut set. A la testa d'in emirat è adina in emir. Quel ha pil pli blera pussanza. L'emir en il Katar per exempel è sper schef da stadi era l'executiva sco era la legislativa.
Emirat Katar è isolà
L'emirat dal Katar procura per il mument per lingias grassas en las medias. L'Arabia Saudita sco era auters pajais han rut giu il glindesdi las relaziuns cun l'emirat arab. Reproscha uffiziala per quai è, ch'il Katar sustegnia il terror en il Jemen ed en la Siria.
