Siglir tar il cuntegn

Header

audio
RTR, Anna Selina Quinter
laschar ir. Durada: 2 minutas 41 Secundas.
cuntegn

Via da velos Cuira-Trimmis – las lavurs cummenzan

Suenter passa trais decennis da planisaziun e discussiun è vegnì festegià l'emprima badigliada per la via da velos tranter Cuira e Trimmis.

La via da velos tranter Cuira e Trimmis ha ina lunga istorgia. Bun 30 onns è vegni planisà e discussiunà. Projects en vegnids mess sin maisa e puspè sbittads. Gia il december 2016 era il project vegnì approvà da la radunanza generala a Trimmis.

Cunter la decisiun haja dentant dà in referendum – il project ha stuì sa cumprovar a l'urna. Quai è gartegià. L'onn 2017 ha Trimmis ditg GEA ad il project cun 781 vuschs cunter 657. Dus onns pli tard ha la regenza dà la permissiun da construcziun.

Ils arguments dispitaivels

Recurs cunter il project hai cunzunt dà dad organisaziuns d'ambient. Tranter auter cunquai che la via maina atras ina zona per la protecziun da la cuntrada.

Entant han ins pudì schliar la dispita. I vegn a dar trais differentas sorts da catram. La part da la via ch'è en la zona da protecziun na vegn betg asfaltada.

Dapli da «Total local»

Scrollar a sanestra Scrollar a dretga