A chaschun dal giubileum da 20 onns dapi che Hongkong è puspè part da la China vegni fatg festa en la metropola cun set milliuns abitants. Il president chinais Xi Jinping è sin visità.
Hongkong fa bain part da la China, è dentant pli u main autonom. La citad ha atgnas leschas, atgnas duanas ed in'atgna valuta. Ultra da quai regia in'economia da martgà libra. Per mantegnair quai sto Hongkong tegnair ina tscherta distanza tar la China.
Influenza chinaisa
Demonstrants da Hongkong crititgeschan che la regenza chinaisa influenzeschia adina pli fitg la metropola. Uschia perdian els zic a zic lur autonomia. Er la nova scheffa da la regenza, Carrie Lam, vegn crititgada. Entras ella prendia la China adina dapli influenza. Pervia da quellas malsegirtads hai dà demonstraziuns e protestas avant e durant las festivitads a Hongkong.
