«Sco politicra èn ins schon in zic en in dilemma»

Quai di la politicra e presidenta communala da Glion, Carmelia Maissen, en il «Vita e cretta». La dumonda è tge infurmaziuns ch'ins dastga dar vinavant e tge infurmaziuns ch'igl è da tegnair enavos pervia dal secret d'uffizi. Uschia sa dat savens l'impressiun che politichers na dian betg la vardad.

Manipulaziuns da votantas e votants vesa Carmelia Maissen plitost en la politica da partida en in parlament nua ch'ins cumbatta per in'idea, ina posiziun. En la politica communala stoppian ins il dretg mument infurmar endretg e transparent.

Vardad è per Carmelia Maissen ina profunda valur. Ma en l'agir dal mintgadi è credibilitad insatge che la politicra sa ir enturn meglier.

Sche politica è a la fin adina gista è probablamain era ina dumonda da la posiziun politica, manegia Carmelia Maissen.