Scorpions: «Still Loving you»

Il success dals Scorpions vegn savens sutstimà. Ils onns 70 ed 80 eran els propi tranter las pli grondas gruppas da rock da quest mund. Ils Tudestgs n'han pudì sunar betg mo en terras industrialisadas, mabain er en lieus, nua che nagin'autra band aveva ina schanza da rivar. Ed er en quels lieus han els savens sunà avant in publicum da millis. E ditg avant lur grondischem hit «Wind of change» han ils Scorpions mussà, ch'els han er in'avaina sensibla.