La cifra – 780'000 persunas

780'000 persunas èn tant sco duas giadas Turitg u bun ina giada tut la populaziun da la citad tudestga Francfurt am Main. Uschè bleras persunas da la minoritad muslima èn er sin la fugia. Ils blers vivan en champs da fugitivs. Il pli grond sa numna Coxs Bazar ed è en il Bangladesch. Bun 650'000 persunas vivan là tenda sper tenda. Di per di naschan 60 pops. Tenor il coordinatur da l'agid umanitar svizzer è quai actualmain il pli grond champ da fugitivs dal mund.