Lilly – la Greta Thunberg da la Tailanda

Lilly vegn titulada da las medias sco la Greta da la Tailanda. Ella ha entschet cun 8 onns da s'engaschar per la protecziun da l'ambient. Oz ha ella 12 onns e fa adina puspè chauma avant la chasa da la regenza a Bangkok. Lilly è la fatscha dal cumbat cunter il plastic en la Tailanda, ina da las terras ch'è responsabla il pli fetg per il plastic en la mar. Lilly e ses aderents fan adina puspè acziuns da rimnar plastic. In emprim success ha ella gia gì cun duas chadainas da supermartgads che vulan reducir il niz da satgets da plastic.