La cifra – 140

L'onn avant eran quai passa 160 morts, nus sa regurdain vid ils attentats a Paris. L'onn 2013 era quai sis morts ed il 2014 set. Il terror è puspè turnà en l'Europa.

Dentant cunzunt er gia durant ils onns 70 ed 80 aveva quai dà fitg blers morts en l'Europa pervia d'attatgas. Sch'ins pensa mo vi da l'attentat da Lockerbie, nua ch'in aviun era explodì pervia d'ina bumba, che para Muammar Al-Gaddafi aveva laschà plazar.