Ina giuvna praticanta dal Radio Rumantsch ha badà cun far ina reportascha a la festa da vin a Malans, en il Signuradi, che intgins toponims pudessan esser d'origin rumantsch. Quai schabegia probablamain inqual giadas era tar nus, ma nus n'approfundain betg la dumonda e laschain ch'i tuna. Ronja Muoth ha vulì savair dapli e m'ha preschentà varsaquants nums ch'èn interessants per tuts. L'expressiun «Bofel» è frequenta en il Signuradi ed è in classic emprest dal rumantsch, nua che il pled latin «bovale» è daventà «bual». Quel è preschent en quasi tut la Rumantschia cun excepziun da la Cadi e l'Engiadina Bassa ed inditgescha pastgiras per ils bovs. Ma tge èn «pagollas»?,
Redacziun: Chasper Pult