Nums e lieus da «La Müdada» da Cla Biert

Damaun dumengia pudess Cla Biert (1920-1981) festivar ses 100avel di da naschientscha. Ed a Scuol è ina festa giubilara che mussa aspects da sia vita e da si'ovra.

Il scriptur ladin ha delectà blers lecturs cun ses raquints. E ses roman «La müdada» (1962) è daventà in classicher da la litteratura rumantscha. Il cudesch preschenta la midada d'in vitg alpin suenter la guerra. Blers badan che quest vitg sto esser Scuol, ma el sa numna Saluorn en il roman. Nus ans dumandain pertge, e dain in tgit ad auters nums ch'il scriptur dovra, sco Violanda Sartea u Tumasch Tach, dus dals protagonists.