El sa numna «wasserista» ed è in barista per l'aua. Entant ch'il barista fa bunas stgimas sin il café, vul Gian Luis Cagienard fungar sco vusch per l'aua e sensibilisar per quest element. «Aua è bler dapli che be H2O», di el. Atgnamain è el però econom – e spezialist d'immobiglias. Ed era sch'el ha visà sia plazza da manager tar in gronda interpresa gia avant trais onns per s'orientar da nov en la vita e returnar a Scuol, è el uss fatschentà cun la situaziun d'immobiglias en Engiadina.
El s'engascha en la societad Anna Florin per dapli spazi d'abitar per persunas indigenas ed il medem mument venda el la chasa da ses bab. Ina cumbinaziun gnanca tant impussibla.
En quest Profil raquinta Gian Luis Cagienard da larmas en Argentina, da ses onn sco ustier a Lavin e pertge ch'el savess gugent far ora meglier cun il fier.
