Co valiteschan experts las chanzuns da pag a la festa da chant?

A la festa da chant federala a Meiringen valiteschan 40 experts las chanzuns da concurrenza da 415 chors. Mintga expert taidla ed examinescha varga 100 chanzuns. In dals experts è Armon Caviezel da Baar ed el declera ils criteris da las valitaziuns. I vegn tadlà las vuschs, la realisaziun tecnica, l'interpretaziun da la chanzun e la preschientscha dals chors. Dentant è era l'elecziun da la chanzun in criteri impurtant.