La chantadura canadaisa Shania Twain ha gia gì cun ses album da debut fitg grond success. Fin il 2010 aveva ella retschet tschintg Grammys, 27 giadas il BMI-Songwriter-Award ed ina staila sin il Hollywood Walk of Fame.
L'onn passà ha ella gì ses return en la branscha, suenter ch'ella ha stuì far 15 onns pausa. La malsogna «borreliosa» aveva donnegià sia vusch, uschia ch'ella n'ha betg pudì chantar. Durant quai temps ha ella maridà il manager da Nestlé svizzer Frédéric Thiébaud ed abitescha en la vischinanza dal lai da Genevra.
