«Pudair surdar l’organisaziun dals Movis a persunas motivadas cun novas ideas e nova energia fa grond plaschair», di Esther Hendry (58) che surdat suenter 25 onns il timun da manadra da l’instituziun da saut da Mustér, ils Movis. L’onn 2000 ha Esther Hendry, che era lura mamma da duas figlias da quatter e dad in onn, resentì il desideri da porscher in’activitad cun moviment e musica per uffants. Quella idea ha mess en moviment in veritabel concept da success. Ils Movis èn anc oz in lieu da plaschair, da moviment e curturella per persunas da sis fin 66.
Cun RTR guarda Esther Hendry enavos sin sia activitad dals davos 25 onns, ma era sin las midadas ch’ella ha constatà sur tut quests onns tar ils uffants en las lecziuns da saut e sco magistra da scola primara. Da la passiun per il saut e moviment, da l’amur per la vita e per ses concarstgauns ans raquinta Esther Hendry en il «Profil» da sonda proxima. Igl è la fin d’emna ch’ils Movis celebreschan «25 onns saut cun cor ed olma», ma era la fin d’emna, nua che emoziuns e larmas d’engraziaivladad èn programmadas tar la fundatura dals Movis.
Cun RTR guarda Esther Hendry enavos sin sia activitad dals davos 25 onns, ma era sin las midadas ch’ella ha constatà sur tut quests onns tar ils uffants en las lecziuns da saut e sco magistra da scola primara. Da la passiun per il saut e moviment, da l’amur per la vita e per ses concarstgauns ans raquinta Esther Hendry en il «Profil» da sonda proxima. Igl è la fin d’emna ch’ils Movis celebreschan «25 onns saut cun cor ed olma», ma era la fin d’emna, nua che emoziuns e larmas d’engraziaivladad èn programmadas tar la fundatura dals Movis.
