Ins na sa anc betg propi tge che la primavaira vul far. Sin il palpiri ed en las regiuns pli bassas è ella gia arrivada. En ils auts ston ins anc spetgar in zic enfin ch'ella po rumper atras la cuverta da naiv. Cun ina seria da tocs da primavaira vul l'instrumentala dad oz carmalar ella e far gust da prosperar enfin sum il culms. Uschia savais tadlar oz bellas e finas melodias cun las qualas ils cumponists descrivan en uverturas, valzers, polcas e marschs la bella primavaira.
Redacziun: Flavio Tuor
Carmalar la primavaira
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter