Ils organisaturs da la Grand Basel vulan preschentar «il meglier dal passà, temp preschent ed il futur». La messa duess surtut attrair collectaders, che sa pon era prestar in auto da luxus. Sper Ferrari, Bentley ed Aston Martin sa chatta dentant era in Fiat Panda.
Sper ina tschientina d'autos datti era ina entira glista da reglas, surtut schi va per far fotografias. Cameras pli grondas n'èn per exempel betg lubidas. Era fotografar cun straglisch, cun in objectiv da zoom sco era cun in fist da selfies è scumandà.
