Duas da questas paginas piglia il Digitip da quest'emna sut la lupa. In sa numna MyHeritage e l'auter 23andMe. La gronda differenza è en sa sez che 23andMe fa in test cun 3 differentas DNA ch'ins po guardar. MyHeritage fa quest test be cun ina DNA. Perquai n'è il test betg dal tut uschè precis.
Da ponderar è er che las datas davart l'atgna DNA èn suenter en ina basa da datas americana sch'ins fa uschè in test. Tge che capita lura en intgins onns forsa cun quella n'è betg uschè cler.