L'onn 1865, avant 150 onns, ha il plevon Gion Fidel Depuoz da Glion fundà «La communitad dalla carezia divinia», pli enconuschent sco claustra da las Dominicanas a Glion. L'emprima priura generala da sias uras en claustra era Maria Theresia Gastayer.
La claustra a Glion è creschia sur ils onns plaun a plaun. Fin il di dad oz cun 160 muniessas dominicanas ch'èn sparpagliadas a Glion, per tut la Svizra sco era en l'exteriur. A Glion mainan las Dominicanas anc la chasa da sentupada - in lieu per scolaziun, curs, exposiziuns e chaussas spirtal-religiusas.
Il 1990, cura che la claustra da las Dominicanas a Glion aveva festivà l'anniversari da 125 onns, aveva il Radio Rumantsch realisà in'emissiun sur da l'instituziun.
Redacziun: Flavio Huonder