Baschi: «Wenn dWält 1986»

Avant 15 onns è el daventà enconuschents entras l'emprima stafla da l'emissiun MusicStar. Là ha el mo cuntanschì il sisavel plaz, ha dentant survegnì in contract tar il label Universal. Cun sia emprima single «Diis Lied» ha el lura gì in pau discletg. Damai che la stizun exlibris aveva vendì sia single per 10 raps memia pauc n'ha el betg ademplì ils criteris per vegnir en las paradas da hits svizras. Paucs onns pli tard ha el dentant publitgà ses pli grond hit «Bring en hei» cun il qual ch'el ha cuntanschì l'emprim plaz en las paradas da hits svizras.